Saturday, March 8, 2014

വാർത്തകൾ

ലോകമെമ്പാടും  വേരോട്ടമുള്ള മനുഷ്യ ദൈവത്തിന്റെ  നിഴലായി പതിറ്റാണ്ടുകൾ നടന്ന ശിഷ്യയുടെ  നേരനുഭവങ്ങളുടെ വെളിപ്പെടുത്തലുകൾ ഇന്റർനെറ്റിലും  സോഷ്യൽ മീഡിയാകളിലും ചൂട് പിടിച്ചപ്പോഴാണ്   ചില ചാനലുകളും കണ്ണ് തുറന്നത് . 
വാർത്തയുടെ ഉള്ളറിയാൻ പത്രങ്ങളുടെ ഓണ്‍ലൈൻ എഡിഷനുകളിൽ സേർച്ച്‌  ചെയ്ത്  കണ്ണ് കഴച്ച്  നിരാശയോടെ ഉറങ്ങാൻ കിടന്നു  .അടുത്ത ദിവസം രാവിലെ ഫ്ളാറ്റിന്റെ വാതില്ക്കൽ എത്തിയ നൂറ്റാണ്ടിന്റെ  പാരമ്പര്യം അവകാശപെടുന്ന  പത്രത്തിന്റെ താളുകളെല്ലാം  അരിച്ചു പെറുക്കി. 'നേരറിയിക്കുന്ന' പത്രമായതു കൊണ്ടാവണം മനുഷ്യ ദൈവത്തിന്റെ ആശ്രമത്തിനെതിരെ ഉന്നയിക്കപെട്ട ആരോപണങ്ങൾ അവർക്ക്  ഒരു കോളം വാർത്തപോലുമായില്ല. 
മുതലാളിമാരുടെ താല്പര്യമാണ് പത്രത്തിന്റെ നയം എന്നറിയാവുന്ന, 'മുക്കി കൊല്ലാൻ' കൈത്തഴക്കം വന്ന എഡിറ്റ് ഡസ്കിലെ കങ്കാണിമാരുടെ  അരിപ്പയിൽ ചുണക്കുട്ടികളുടെ റിപ്പോർട്ടുകൾ ചോർന്നു  പോയതാവണം.
ഒന്നിലേറെ വാർത്താ ചാനലുകൾക്ക്  കണ്ണും കാതും കൊടുത്താലേ പൂഴ്ത്തിവെക്കുന്ന വാർത്തകൾ തപ്പിപിടിക്കാൻ കഴിയൂ. ഒരു ദിവസം നാലഞ്ചു പത്രങ്ങൾ  ചവച്ചരച്ചു വരികൾ ക്കിടയിലൂടെ കണ്ണ് പായിക്കണം.. എങ്കിൽ ഒരു പക്ഷേ  നമുക്ക് സത്യത്തിന്റെ വാലറ്റമെങ്കിലും കണ്ടെത്താനായേക്കാം 

1 comment:

sunilfaizal@gmail.com said...

എങ്കിൽ ഒരു പക്ഷേ നമുക്ക് സത്യത്തിന്റെ വാലറ്റമെങ്കിലും കണ്ടെത്താനായേക്കാം