Monday, December 26, 2016

നീല പൊൻമാൻ

പാലത്തിൽ നിന്നും പുഴയിലേക്കുള്ള നോട്ടത്തിൽ സ്ത്രീകളുടെ കുളിക്കടവുണ്ട്.
പുഴക്കരികെ നിന്ന ഒരു മരത്തിന്റെ ചില്ലകൾ ഇലപൊഴിഞ്ഞ് വെള്ളത്തിലേക്ക് ചാഞ്ഞു നിൽക്കുന്നു..
ആ ശിഖരങ്ങളിൽ ഒരു നീല പൊൻമാൻ പുഴയിലേക്കും നോക്കി തപസ്സിരിക്കുന്നു. കൈയിലിരുന്ന ക്യാമറ യുടെ ഹൃദയം മിടിച്ചതാണ്.
കടവിൽ രണ്ടു സ്ത്രീകൾ നീന്തുന്നതിനാൽ സൂം ചെയ്യാനും ക്ലിക്കാനും മടിച്ചു നിന്നപ്പോൾ നീല പൊൻമാൻ ഓളപ്പരപ്പിന് മുകളിലൂടെ ചിറകു വീശി പറന്നു പോയി..
ഒരു ചിത്രകാരനായിരുന്നെങ്കിൽ ആ ഓർമയിൽ ക്യാൻവാസിൽ കുളിക്കടവിന്റെ പശ്ചാത്തലത്തിൽ ഇലപൊഴിഞ്ഞ് താഴ്ന്നു നിന്ന മരച്ചില്ലയിൽ ഒരു നീല പൊൻമാനെ വരക്കാമായിരുന്നു..
ഒരു നിമിഷം മനസ്സിനെ സ്പർശിച്ച സുന്ദര ദൃശ്യം പറന്നകലാതെ ആ പക്ഷി ക്യാൻവാസിൽ തന്നെ ഉണ്ടാകുമായിരുന്നു.
അത് ആർക്കും സമ്മാനിക്കാതെ എന്റെ ചുവരിൽ തന്നെ തൂക്കാമായിരുന്നു.

No comments: